Ang mga Overseas Filipino Workers (OFWs) sa iba't ibang panig ng mundo, na kinikilala at ikinararangal ng Pamahalaang Pilipinas bilang mga Bagong Bayani, ang marahil (bagama't di opisyal na inihahayag) ay pinakamainam na produktong pang-export ng bansa. Ang pagpunta ng isang Pilipino sa ibang bansa upang magtrabaho ay maraming maidudulot hindi lamang sa kanila ngunit maging sa ating bansa. Hindi lamang mabuti ang epekto o maidudulot nito sa atin dahil kung may mabuti may masama.
Maraming mabuting naidulot ang pangingibang bansa ng kapwa natin Pilipino tulad na lamang ng pagtulong nila sa kani-kanilang mga pamilya. Nakakatulong rin sila sa pagtaas ng ekonomiya ng ating bansa kaya nga sinabi ng ating gobyerno na ang “OFW ang makabagong bayani ng ating bansa” dahil isa sila sa nagdadala ng dolyar sa ating bansa. Bukod dyan madadagdagan pa ang kanilang kaalaman tungkol sa mga bansa lalo na sa kanilang kasaysayan. Ayon nga sa aking kakilala “mapalad ka na pag ang pinapasukan mong amo ay mabait” dahil hindi ka na mahihirapan pa. Ilan lamang ito sa mga mabuting naidulot ng pagiging OFW. Nakapagreremit sila ng bilyun-bilyong dolyar na nakatutulong para mapanatiling nakalutang ang ekonomya ng bansa, kapalit ng pagkakawatak-watak ng ilang pamilya, pagkawasak ng ibang tahanan, at miserableng pamumuhay ng iba pa.Ngunit kung inaakala ng lahat na isang malaking oportunidad ang pangingibangbansa yan ay hindi totoo. Sapagkat marami ring masamang naidudulot ang pangingibangbansa at pangunahing dahilan nito ay ang brain drain,o pagkaubos ng lakas paggawa o pagkawala ng mga mahuhusay ng mga manggagawa sa bansa.
Walang komento:
Mag-post ng isang Komento